images2

Rannsókn sýnir fram á skaðleg áhrif

images2Öndunarfæraeinkenni hjá fólki sem býr við raka í híbýlum sínum eru 30 til 50 prósent algengari en hjá þeim sem ekki búa við neinn raka. 

Samnorræn rannsókn frá árinu 2005 sýndi fram á að raki er í tæplega 20 prósentum húsa á Íslandi. Íbúar þeirra húsa sýna oftar ýmis öndunarfæraeinkenni eins og hósta, mæði og astma. 

María Ingibjörg Gunnbjörnsdóttir, lungna- og ofnæmislæknir og settur yfirlæknir ofnæmislækninga á Landspítala, hafði yfirumsjón með rannsókninni. 

„Niðurstöðurnar eru nákvæmlega í samræmi við aðrar rannsóknir sem hafa verið gerðar erlendis,“ segir María. „Áhættan fyrir öndunarfæraeinkennum er hærri hjá þeim sem búa við raka.“ Líkt og fram hefur komið í Fréttablaðinu að undanförnu er algengt að myglusveppur myndist í þeim húsum þar sem raki er mikill og er talið að hann geti valdið fyrrgreindum einkennum hjá íbúum.

Lesa alla greinina

wordpress